Holanda jep dritën e gjelbër për Shqipërinë

Holanda nuk është më pengesë në fitimin e statusit të Shqipërisë. Edi Rama thotë se ky shtet, me shumicë votash në parlament, ka votuar pro statusit kandidat për Shqipërinë. 

Lajme

19/06/2014 13:59

Holanda u është bashkuar vendeve që do të mbështesin Shqipërinë në rrugën e integrimit evropian, duke i thënë ‘po’ statusit të vendit kandidat.

Lajmi është bërë i ditur nga kryeministri i Shqipërisë, Edi Rama.

Ai ka thënë se ky është një moment tepër i veçantë për Shqipërinë, pasi Parlamenti i Holandës ka kaluar mandatin për ministrin të Jashtëm dhe kryeministrin që t’i thonë ‘po’, statusit për Shqipërinë, raportojnë mediat në Tiranë.

Këshilli i Ministrave të Bashkimit Evropian pritet të marrë vendimin përfundimtar më 23 qershor në Bruksel.