Ministrja e Drejtësisë, Albulena Haxhiu, është pyetur se cili është ish-kryeministri i vendit të cilin e kanë intervistuar prokurorët në ndërtesën e Qeverisë së Kosovës.

E me këtë rast, ministrja Haxhiu tha se kjo është pyetje që duhet t’i bëhet kryeprokurorit, Blerim Isufaj,e që sipas saj duhet të tregojë meqë sipas ministres e di këtë gjë shumë mirë.

“Nuk mendoj që është në rregull, që një përgjigje që duhet ta merrni nga Blerim Iusfaj, ta kërkoni nga unë. Blerim Isufaj e di shumë mirë, se kush nga prokurorët kanë shkuar në zyrën e kryeministrit. Por s’flet për këtë. S’është korrekte dhe e drejt ndaj meje që të insistoni që përgjigjen që s’po mund ta merrni nga Blerim Isufa.  E di, ata prokuror, disa janë aty, disa janë larguar sepse janë kërcënuar dhe e kanë lëshuar Kosovën”, ka shtuar Haxhiu./Lajmi.net/