“Hapa konkret drejt thellimit të bashkëpunimit” – Osmani flet pas takimit me Presidentin e Zvicrës
Presidentja e Kosovës, Vjosa Osmani, ka zhvilluar një takim me Presidentin e Zvicrës, Guy Parmelin, në kuadër të Samitit Botëror të Qeverisjes. Përmes një postimi, Osmani bëri të ditur se pas takimit të mëhershëm në Davos, diskutimet me homologun zviceran kanë vazhduar me fokus në hapa konkretë për thellimin e bashkëpunimit ndërmjet Kosovës dhe Zvicrës,…
Lajme
Presidentja e Kosovës, Vjosa Osmani, ka zhvilluar një takim me Presidentin e Zvicrës, Guy Parmelin, në kuadër të Samitit Botëror të Qeverisjes.
Përmes një postimi, Osmani bëri të ditur se pas takimit të mëhershëm në Davos, diskutimet me homologun zviceran kanë vazhduar me fokus në hapa konkretë për thellimin e bashkëpunimit ndërmjet Kosovës dhe Zvicrës, transmeton lajmi.net.
Ajo theksoi se mërgata kosovare në Zvicër mbetet një urë e rëndësishme lidhëse në këtë partneritet mes dy vendeve.
Presidentja Osmani shprehu gjithashtu mirënjohjen e thellë të Kosovës për mbështetjen e vazhdueshme dhe të palëkundur që Zvicra i ka dhënë vendit ndër vite.
Postimi i plotë:
Takimet në Samitin Botëror të Qeverisjes i vazhduam me Presidentin e Zvicrës, Guy Parmelin, një mik i madh i popullit të Kosovës.
Pas Davosit, vazhduam diskutimin për hapa konkret drejt thellimit të bashkëpunimit ndërmjet dy vendeve tona, me mërgatën tonë si urë kyçe e këtij partneriteti.
Kosova mbetet thellësisht mirënjohëse për mbështetjen e palëkundur të Zvicrës ndër vite.
./lajmi.net/
./lajmi.net/
