Pas hapjes së madhe të fushatës zgjedhore sot në Prizren, kandidati për kryeministër nga Partia Demokratike e Kosovës, Bedri Hamza, nesër do të vazhdojë aktivitetet elektorale në Prishtinë.

Hamza do të prezantojë kandidatët e PDK-së për deputetë në një takim me qytetarët që do të mbahet në shkollën fillore “Dardania”, në lagjen Dardania. Tubimi është paralajmëruar të fillojë në orën 20:30, raporton lajmi.net

Me numrin 130, PDK dhe kandidati i saj për kryeministër, Bedri Hamza, synojnë fitoren në zgjedhje dhe marrjen e pozitës së kryeministrit të Kosovës.

Takimi në Prishtinë pritet të shërbejë si vazhdim i prezantimit të programit dhe ekipit me të cilin PDK synon qeverisjen e ardhshme./Lajmi.net/