Trajneri i Bayern Munichut, Pep Guardiola i është përgjigjur negativisht ftesës së Barcelonës që ai të jetë prezent në ndeshjen finale të Ligës së Kampionëve kundër Juventusit.

Ish strategu i katalanëve është ftuar që të jetë në Berlin më 6 qershor si mysafir i finalistit nga Camp Nou.

Por, ai e ka refuzuar ftesën e Barcelonës, ka bërë të ditur e përditshmja sportive katalane “Mundo Deportivo”.

Përveç tij, klubi katalan ka ftuar edhe ish trajnerë të tjerë si Johan Cruyff e Frank Rijkaard.