Një ndeshje e ligës së Emirateve të Bashkuara Arave mes Ajman dhe Al-Ahli doli nga kontrolli pasi skuadra mysafire shënoi golin e fitores 2:1 pas një penalltie diskutabile në minutën e fundit të takimit.

Akordimi i penalltisë, bëri që një zyrtar i Ajmanit të hyjë në gushë dhe të konfrontohet me gjyqtarin. Edhe pse reagimi ishte përtej kufirit, gjyqtari dukej se ishte i vetmi që besoi se sulmuesi i Al-Ahlit ishte frulluar.

Një person i veshur me të gjelbër shihet duke reaguar ashpër ndaj gjyqtarit para se të lansojë disa goditje në drejtim të tij, ndërsa shikuesit në tribuna u munduan të hynin në fushë.

Zyrtarë të tjerë të Ajmanit u ndalën nga personat e sigurisë derisa u munduan të konfrontohen me gjyqtarin.

Goli i fitores i mundësoi Al-Ahlit ta sigurojë pozitën e parë në tabelë kurse e dërgoi Ajmanin në zonën e rrezikuar.