Emisari i SHBA-ve për Misione të Posaçme, Richard Grenell e ka nisur mandatin e tij të dytë në Administratën Trump me kritika ndaj Kryetarit të Kuvendit të Kosovës, Glauk Konjufca.

Konjufca ishte ankuar për Administratën Biden duke thënë se e la Kosovën në pozitë të disfavorshme ndaj Serbisë, teksa Grenell iu përgjigj me kritikë kësaj deklarate të Konjufcës, transmeton lajmi.net.

“Këta shpenzuan katër vite duke komplimentuar Joe Biden-in dhe duke marrë pjesë në konventa dhe festa të tyre. Pse nuk u ankuan më parë?”, ka shkruar Grenell në një reagim në “X”.

Kujtojmë që Trump ka mandatin e dytë si president i SHBA-ve, teksa në mandatin e parë i kishte dhënë prioritet një marrëveshje mes Kosovës e Serbisë. Një marrëveshje e tillë u arritë në atë kohë ku nënshkruante Avdullah Hoti dhe Aleksandër Vucic./Lajmi.net/