Robert Lewandowski së fundmi ka shprehur haptazi pakënaqësinë e tij me skuadrën e Bayern Munich.

Reagimet nuk munguan as nga këta të fundit, duke bërë që tensionet të rriten. Por, mesfushori i skuadrës gjermane, Leon Goretzka ka ftuar që të dyja palët t’i largojnë emocionet.

“Mendoj se në përgjithësi ka qenë një sukses i jashtëzakonshëm për të dy Bayern dhe Lewandowski”, ka thënë Goretzka, transmeton lajmi.net.

“Do të isha i lumtur nëse të dyja palët largojnë emocionet dhe provojnë të gjejnë zgjidhje të mirë për të gjithë të përfshirët”, shtoi mesfushori.

Lewandowski lidhet me një kalim të mundshëm te Barcelona dhe dëshirën për largimin nga Bayern e përmendi edhe në grumbullimin me Poloninë. /Lajmi.net/