Google nuk ka konkurruar për WhatsApp, kështu kompania zbuloi dje. Sugjerimet se Google ofertoi 10 miliardë dollarë nuk janë të vërteta. Kështu tha të paktën nënkryetari i kompanisë, Sundar Pichai.

Z.Pichai, duke folur në ‘Mobile World Congress’ në Barcelonë, vlerësoi arritjet e WhatsApp’ut dhe tha se kompania e tij kishte biseduar me ta në të kaluarën, për të punuar së bashku.

‘WhatsApp ishte një produkt i vlefshëm, por ne kurrë nuk kemi bërë një ofertë për ta blerë. Raportet e shtypit janë të pavërteta”.

Mark Zuckerberg javën e kaluar tha se, shërbimi WhatsApp, që ka 465 milionë përdorues, vlen më shumë se 19 miliardë, dhe se ai do të ndihmojë që të përhapet edhe më shumë.