Skuadra e drejtuar nga Diego Simeone, Atletico Madridi arriti që në sezonin e kaluar të fitojë titullin e La Ligas dhe të futet në finale të Ligës së Kampionëve.

Një numër i madh i golave nga kjo skuadër, kanë ardhur nga goditjet standard, të cilat si duket janë duke i ushtruar shumë mirë në stërvitje.

Raul Garcia, Diego Godin, Mario Mandzukic janë vetëm disa nga lojtarët e Atletico Madridit të cilët janë pothuajse perfekt në goditjet standard.

Ata në të kaluarën, kanë shënuar një numër të madh të golave pikërsisht nga ndërprerjet.

Në anën tjetër, mbrojtja e Real Madridi po vuan shumë nga ndërprerjet. Los Blancos në këtë mënyrë, pranuan dy gola në humbjen e fundit kundër Real Sociedadit me rezultat 4-2.