GLPS thotë se gjendja kundër-kushtetuese në Kosovë ka filluar më 27 mars

Një ditë pas dështimit të seancës konstituive të legjislaturës së nëntë të Kuvendit të Kosovës, pas zgjedhjeve parlamentare të 9 shkurtit, ka reaguar Grupi për Studime Juridike dhe Politike. Sipas kësaj organizate gjendja kundër-kushtetuese ka filluar me datë 27 mars. Kjo organizatë ka shpjeguar përmes pesë pikave gjendjen kundër-kushtetuese. I. Gjendja kundër-kushtetuese ka filluar me…

Lajme

16/04/2025 12:51

Një ditë pas dështimit të seancës konstituive të legjislaturës së nëntë të Kuvendit të Kosovës, pas zgjedhjeve parlamentare të 9 shkurtit, ka reaguar Grupi për Studime Juridike dhe Politike.

Sipas kësaj organizate gjendja kundër-kushtetuese ka filluar me datë 27 mars.

Kjo organizatë ka shpjeguar përmes pesë pikave gjendjen kundër-kushtetuese.

I. Gjendja kundër-kushtetuese ka filluar me datë 27 Mars, kur Komisioni Qendror për Zgjedhje ka certifikuar si deputetë, në kundërshtim me Kushtetutën, anëtar të cilët njëkohësisht mbanin post ekzekutiv.

II. Në këtë kontekst, “Mandati i deputetit të Kuvendit të Kosovës fillon ditën e certifikimit të rezultatit të zgjedhjes” 1 dhe “[kjo/ky e/i fundit] … nuk mund të mbajë ndonjë post ekzekutiv në administratën publike . . . dhe as të ushtrojë ndonjë funksion tjetër ekzekutiv . . .”

III. Anëtarët me post ekzekutiv, nuk kanë qenë të obliguar për të dhënë dorëheqje, por që është dashur të zgjedhin cilin post dëshirojnë të mbajnë (apo asnjërin), por jo që të dy
ato.

IV. Meqenëse disa deputetë të certifikuar më 27 Mars kanë gëzuar edhe post ekzekutiv, rrjedhimisht, me certifikimin e të njëjtëve nga ana e KQZ-së, edhe është shkelur Kushtetuta 4 – gjendje kundër-kushtetuese që vazhdon edhe sot.

V. Bazuar në Nenin 70.3.3 të Kushtetutës, mandati i deputetëve që mbanin njëkohësisht post ekzekutiv, që nga certfikimi duhet të konsiderohet si “i pavlefshëm”/”mbar[uar].” Prandaj, as ndonjë verifikim eventual i mandateve së të njëjtëve nga Komisioni Verifikues i Kuvendit të Kosovës, nuk mund të rikthej vlefshmërinë e këtyre mandateve.

VI. Meqenëse skena juridike në Kosovë herë-herë subordinohet ndaj konsideratave ekstra- juridike, ky qëndrim i GLPS-së nuk mund të jetë prognozë, por diagnozë. GLPS garanton për saktësinë e këtij qëndrimi, por natyrisht se jo edhe për materializimin e të njëjtit.

Gjatë ditës së martë u pamundësua konstituimi i Kuvendit të Kosovës shkaku i mos votimit të Raportit të komisionit të përkohshëm për verifikimin e kuorumit dhe të mandateve të deputetëve të zgjedhur.