Gjyqtarët e Superligës së Kosovës kanë zhvilluar një sesion të specializuar trajnues me Paweł Gil, instruktor i deleguar nga UEFA për sistemin VAR.

Trajnimi u fokusua në unifikimin e kritereve të ndërhyrjes së VAR-it, zbatimin korrekt të protokollit dhe përmirësimin e bashkëpunimit mes gjyqtarit kryesor dhe ekipit VAR.

Përmes analizimit të rasteve konkrete nga ndeshjet dhe diskutimeve profesionale, gjyqtarët trajtuan situatat kyçe të vendimmarrjes dhe kriteret që përcaktojnë ndërhyrjen e teknologjisë.

Ky aktivitet është pjesë e programit të vazhdueshëm të Federatës së Futbollit të Kosovës për ngritjen profesionale të gjyqtarëve dhe standardizimin e referimit, në përputhje me udhëzimet dhe standardet e UEFA-s.