Njësiti i Trafikut të Kryeqytetit ka gjobitur një shofer, i cili po qarkullonte me veturën në të cilën kishte vendosur pajisje ndriçuese (drita rotative) në kundërshtim me dispozitat ligjore në fuqi.

Gjatë kontrollit në trafik është konstatuar se pajisjet e ndriçimit të vendosura në automjet nuk ishin të lejuara për përdorim, ndërsa shoferi me to kishte dalë në qarkullim, duke shkelur kështu rregullat e trafikut rrugor.

“Njësiti i Trafikut të Kryeqytetit ka ndërmarrë veprime policore ndaj një shoferi, i cili ishte hasur duke qarkulluar me automjet, në të cilin kishte vendosur pajisje ndriçuese (drita rotative) në kundërshtim me dispozitat ligjore në fuqi. Gjatë kontrollit në trafik është konstatuar se pajisjet e ndriçimit të vendosura në automjet nuk ishin të lejuara për përdorim, ndërsa shoferi me to kishte dalë në qarkullim, duke shkelur kështu rregullat e trafikut rrugor.”

Ai është gjobitur dhe i është konfiskuar patentë shoferi për 3 muaj.

“Ndaj drejtuesit të mjetit, konform legjislacionit në fuqi, është shqiptuar gjoba përkatëse, si dhe masa mbrojtëse e ndalimit të patentë-shoferit për një periudhë prej tre muajsh. Policia e Kosovës, përkatësisht Njësiti i Trafikut të Kryeqytetit, apelon te të gjithë pjesëmarrësit në trafik që të respektojnë rregullat dhe ligjet në fuqi, duke mos përdorur pajisje të paautorizuara, pasi veprime të tilla rrezikojnë sigurinë rrugore dhe rendin publik.”/Lajmi.net/