Komandanti i Forcës së Sigurisë së Kosovës (FSK), gjenerallejtënant Kadri Kastrati ka organizuar një pritje lamtumirëse për gjeneralin Wagner, në përfundim të misionit të tij në Kosovë.

“Gjenerali Wagner ka ardhur në një kohë të rëndësishme për ne, dhe i cili e ka kryer detyrat me sukses. Ai, si drejtor i NLAT-it, ka sjellë risi, ka sjellë ndryshime dhe suksese, përmes një vizioni të qartë që kishte për ta ndihmuar FSK-në. Gjenerali Wagner do të mbetet një mik i madh i FSK-së dhe Kosovës dhe gjithmonë do të jetë i mirëseardhur në Kosovë”, ka thënë Kastrati.

Wagner, pasi pranoi Dekoratën, premtoi se do të jetë gjithmonë me FSK-së dhe Kosovën, si dhe kudo që do të shkojë, do të jetë ambasador i FSK-së dhe Kosovës.