Policia e Kosovës ka njoftuar se gjatë bastisjes në shtëpinë e një personi në Podujevë, janë gjetur dhe konfiskuar 58 bimë kanabisi.

Ato ishin të mbjella në vazo, shkruan lajmi.net.

Me vendim të Prokurorit, i dyshuari është dërguar në mbajtje.

“Rr.Afrim Zhitija, Podujevë. 15.10.2025-16:50. Është arrestuar i dyshuari mashkull kosovar, pasi që gjatë bastisjes në shtëpinë e tij janë gjet dhe konfiskuar 58 bimë kanabisi të mbjella në vazo. Me vendim të prokurorit i dyshuari pas intervistimit dërgohet në mbajtje”, thuhet në raportin e Policisë. /Lajmi.net/