Sipas kryetares së komunës së Gjakovës, Mimoza Kusari-Lila, shtyrja është bërë pasi është vendosur për ndërtimin e një rrethrrotullimi në qendër të qytetit, ku do të vendosej edhe busti në fjalë.

Kërkesa për vendosjen e këtij busti ishte bërë në muajin shkurt pas mbledhjes së nënshkrimeve të pesëmijë qytetarëve të Gjakovës.

Për qytetarët kjo vonesë është e paarsyeshme, meqë Fadil Hoxhën e konsiderojnë si një prej burrave më të mëdhenj të vendit.

Kjo ide kishte nxitur akuza të ashpra nga disa subjekte politike (PDK, Vetëvendosje dhe AAK), dhe familjet e viktimave të regjimit komunist. (Klan Kosova)