Dëshira për t’u dukur të mençur i shtyn më shumë se 60 për qind të njerëzve të gënjejnë se i kanë lexuar romanet klasike. Një ekip hulumtues i ka anketuar 2.000 britanikë për t’i mësuar taktikat më të shpeshta për t’u treguar më të mençur se ç’janë vërtet.

Shprehia më shpeshtë është shtirja për leximin e romaneve klasike, pasi 42 për qind e të anketuarve kanë thënë se mbështeten në adaptimet filmike dhe televizive, ose në syzhetë në e gjetura nëpër web faqe, për ta krijuar përshtypjen se i kanë lexuar romanet. Gjysma e të anketuarve e pranojnë se nuk i kanë lexuar librat të cilët i kanë të vendosur në raftet e veta.

Tre për qind e pjesëmarrësve në hulumtim kanë thënë se i kanë fshehur kiç revistat dhe librat brenda revistave dhe librave tjerë, që i kanë konsideruar me vlera më të mëdha artistike.

Top 10 librat për të cilat njerëzit thonë se i kanë lexuar – e nuk i kanë lexuar.

1984 – George Orwell – 26%

Lufta dhe paqja (War and Peace) – Leo Tolstoy – 19%

Shpresa të mëdha (Great Expectations) – Charles Dickens – 18%

Rojë në thekërishten buzë greminës (Catcher in the Rye) – J D Salinger – 15%

Rruga për Indi (A Passage to India) – E M Forster – 12%

Zoti i unazave (Lord of the Rings) – J R R Tolkein – 11%

Të vrasësh zogun përqeshës (To Kill A Mockingbird) – Harper Lee – 10%

Krimi dhe dënimi (Crime and Punishment) – Fyodor Dostoyevsky – 8%

Krenari dhe paragjykim (Pride and Prejudice) – Jane Austen – 8%

Jane Eyre – Charlotte Brontë – 5%

Titujt tjerë janë Bibla (3%) dhe Odiseja e Homerit (3%).

Taktikat tjera që shfrytëzohen nga njerëzit për t’u dukur më të mençur janë: investimi në veshje dhe imazh, të përmirësuarit e gramatikës gjatë të folurit të të tjerëve, përmendja e thënieve të famshme, dhe të pohuarit se kanë nivel më të lartë të rrjedhshmërisë në të folurit e gjuhëve të huaja.

Redaktoi: A.M.