Karriera si trajner e Gennaro Gattusos vazhdon nga Kampionati grek, më saktësisht nga Ofi Crete.

Ofi ka njoftuar se ka arritur marrëveshje me ish strategun e Palermos, dhe ish reprezentuesi italian ka nënshkruar kontratë njëvjeqare për të marrë drejtimin e skuadrës greke.

Gattuso, i mirënjohur gjatë karrierës si futbollist, e që konsiderohet si ikonë e Milanit dhe Kombëtares italiane, është në kërkim të krijojë karrierë si trajner dhe pas largimit nga Palermo, tani do të ketë një mundësi të re të shfaq njohuritë e tij.

Ndërsa, një tjetër trajner italian që do të provojë veten në një shtet të huaj është Claudio Gentile, ish selektori i ekipit U-21 të Italisë që është emëruar trajner i ri i Sionit në Kampionatin zviceran.