Ish ministri i jashtëm italian ka bërë një postim në Twitter pas debatit në konferencën për shtyp që Rama pati me Vuçiqin në Beograd, duke e përgëzuar kryeministrin serb për reagimin ndaj fjalëve të kryeministrit shqiptar, ku ky i fundit përmendi pavarësinë e Kosovës, si një realitet të pakthyeshëm.

“E heq kapelën time ndaj kryeministrit Vuçiq! Vetëm në qoftë se ju jeni një lider i fortë, siç është ai, mund të reagoni ashtu”, ka shkruar Fratini në llogarinë e tij Twitter. 

Ndryshe, Fratini, ish-ministri i Jashtëm italian dhe ish zëvendës-president i Komisionit Evropian, më 7 tetor të vitit të kaluar kishte pranuar ofertën e qeverisë serbe për të ndihmuar Serbinë në procesin e integrimit në BE, në rolin e konsulentit, transmeton lajmi.net. 

Fratini kishte marrë përsipër që bashkë me ekipin e tij të ndihmojë qeverinë serbe në procesin e integrimit në BE, kryesisht në lidhje me kapitujt 23 dhe 24 të negociatave për anëtarësim. (lajmi.net)