Franca ka akuzuar Rusinë se ka vënë qëllimisht në rrezik sigurinë globale të ushqimit pasi sulmet me dron rus dëmtuan infrastrukturën në një port ukrainas në Danub jetik për eksportet e drithërave.

“Rusia po vë edhe një herë qëllimisht në rrezik sigurinë globale ushqimore duke shkatërruar infrastrukturën thelbësore të eksportit të grurit”, tha të mërkurën Ministria e Jashtme franceze, shkruan Al Jazeera.

Në deklaratë thuhej ndër të tjera se Moska ndjek vetëm interesat e saj në kurriz të popullatave më të cenueshme dhe rrit çmimet të produkteve bujqësore./abcnews.al