Kështu, për të festuar këtë, Pete Souza, krye-fotografi zyrtar i Shtëpisë së Bardhë, ka lëshuar 50 fotografi të Obamas gjatë udhëtimeve të tij shtetërore.

Imazhet – të kapura në çdo shtet, nga viti 2009 deri më sot – tregojnë presidentin 53-vjeç duke u angazhuar në shumë aktivitete.

Ai qëndron këmbëzbathur përballë një stupe të praruar në Birmani, iu drejtohet trupave amerikane në kampin Victory në Irak, ecë në Murin e Madh Kinez, viziton ish-qelinë e Nelson Mandelës në burgun e Afrikës së Jugut, dhe vallëzon me gruan e tij Michelle në një banket në Oslo, Norvegji, transmeton Lajmi.net.

Ai gjithashtu vizitoi Piramidat e Mëdha të Egjiptit, statujat e gurit në Angli, ha mëngjes me familjen e tij në çatinë e hotelit Carlton Ritz në Moskë, Rusi dhe flet me Angela Merkel në Gjermani përderisa ai qëndron ulur kurse Angela qëndron në këmbë dhe krahëhapur.

Fotografitë janë publikuar nga Souza në webfaqen zyrtare të Shtëpisë së Bardhë . Ai shkroi në faqe se këto fotografi tregojnë vetëm një paraqitje të shkurtër të secilit vend që Obama vizitoi.

Obama dukej shumë i lumtur dhe i buzëqeshur gjatë mbërritjes të premten mbrëma në Kenia, ku ul për të ngrënë darkë me të afërmit e tij kenian, duke përfshirë gjysmë-motrën e tij Auma Obama, në vizitën e parë në shtëpinë e tij stërgjyshore si President, transmeton Lajmi.net.

Ai do të udhëtojë për në Etiopi të dielën. (Lajmi.net)

Shikoni fotografitë e mahnitshme: