Të Infektuar: 14119

Të Shëruar: 10546

Të Vdekur: 563

Flet më në fund Rangnick: Ja pse dështoi transferimi te Milani

18:30 | 6 Gusht 2020

Që prej fillimit të 2020-ës u fol gjatë për emërimin e gjermanit Ralf Rangnick në pankinën e Milanit dhe mediet në Itali e në Gjermani këmbëngulnin për një marrëveshje të arritur mes palëve, por më pas gjithçka u thye me një vendim të drejtuesve të kuqezinjve në mesin e muajit korrik.

Të ndikuar nga paraqitjet mjaft të mira që po bënte skuadra në fushën e lojës, Gazidis dhe drejtuesit e tjerë të kuqezinjve vendosën të konfirmojnë Piolin në stol dhe të hedhin poshtë marrëveshjen me Rangnick.

Vetë trajneri gjerman, në një intervistë të dhënë për “Süddeutsche Zeitung”, shpjegoi në një mënyrë mjaft të thjeshtë arsyet e dështimit të marrëveshjes paraprake që kishte arritur me Milanin.

“Atje po shkonte gjithçka mirë, ndaj nuk kishte pse të shkoja unë. Do të ishte një veprim aspak i zgjuar, po të shkoja te Milani në një moment aq të mirë për klubin. Edhe nëse më vendos në anën e kuqezinjve, do të bëja pyetjen, pse duhet ndërruar trajneri i një skuadre që po bënte shumë mirë dhe që mori 9 fitore e tre barazime që prej rifillimit të kampionatit”, deklaroi Rangnick. /Lajmi.net/