‘Finalissima’: Argjentina dhe Italia përballen për Superkupën, Messi kërkon tjetër trofe me Argjentinën

Sport

01/06/2022 08:15

Sonte do të luhet ‘Finalissima’ mes Argjentinës dhe Italisë.

Kombëtarja fituese e Kupës së Amerikës, Argjentina do të përballet me fituesen e Kampionatit Evropian, Italinë, shkruan lajmi.net.

Në mitikun ‘Wembley’, dy kombëtaret do të synojnë tashmë CONMBEBOL-UEFA Superkupën.

Shtatë herë lojtari më i mirë në botë – dhe më i miri aktualisht – Lionel Messi synon të fitojë një tjetër trofe me kombëtaren e tij.

Në anën tjetër, Giorgio Chiellini synon ta mbyll karrierën e tij tek Italia me një trofe tjetër në sirtar.

Ndeshja mes Argjentinës dhe Italisë do të luhet me fillim nga ora 20:45. /Lajmi.net/