Organizuar nga Akademia Olimpike e Kosovës dhe Federata e Hendbollit e Kosovës, ka nisur sot moduli i parë i shkollimit të trajnerëve të hendbollit, në bazë të RINCK Konventës së Federatës Evropiane të Hendbollit.

Shkollimi po mbahet në ambientet e Kolegjit AAB në Fushë Kosovë, ndërsa do të ligjërojnë, Dr. Jeton Havolli; Dr. Nazim Myrtaj dhe Mrsc. Leonard Cula, si dhe trajnerja nga Kroacia, Lidija Bojiq.

Të pranishëm në hapje ishin kryetari i Shoqatës së Trajnerëve Leonard Cula, nënkryetari i FHK-së, Enis Idrizi, si dhe drejtori i Akademise Olimpike, Fitim Arifi, të cilët gjatë fjalës së tyre vlerësuan lart shkollimin.

Trajnimi do të mbahet deri më 18 dhjetor 2022, nga tri ditë brenda javës./Lajmi.net/