Ferizaj edhe zyrtarisht edicionin e ardhshëm në futbollin e Kosovës do të bëjë gara në Ligën e Parë.

Ekipi bardhekaltër humbi në barazh nga Liria dhe përkundër pretendimeve se prizrenasit kishin inkuadruar në lojë lojtarë pa kontrata, Komisioni i Garave nuk e aprovoi ankesën e tyre, shkruan lajmi.net.

Sidoqoftë, Ferizaj tanimë kanë nisur punën që të rikthehen shpejt në elitën e futbollit kosovar.

Ferizaj ka bërë të ditur se kanë nisur të shqyrtojnë kontratat e lojtarëve aktual dhe synojnë të mbyllin marrëveshjet me futbollistë sa më shpejt.

POSTIMI I PLOTË:

Vazhdojmë fuqishëm, pa e kthyer kokën prapa

Ditëve të fundit, sigurisht se si pasojë e humbjes në barazh, janë krijuar fjalë dhe hipoteza se si do të vazhdojë FC Ferizaj punën dhe çfarë pritet të ndodhë me klubin.

Për korrektësi ndaj juve tifozë të klubit, në mënyrë që të mos krijohet panikë, ju informojmë zyrtarisht se klubi po vazhdon intenzivisht punët për stinorin e ri.

Në këtë fazë jemi duke i shqyrtuar kontratat e lojtarëve aktual që i kemi. Po zhvillojmë takime të përditshme me lojtarët që janë pjesë e jona, meqë rast po tentojmë që sa më shpejt të mbyllim marrëveshjet për edicionin 2023/2024.

Anën tjetër, kemi krijuar kontakte me lojtarë të rinj, të talentuar e të dëshmuar që i përshtaten profilit të klubit dhe synimit; rikthimin e menjëhershëm në Superligë.

Sepse e varfër do jetë çdo herë Superliga pa FC Ferizaj, pjesë të saj.

Andaj nuk ka vend për panikë sepse ne jemi e do të jemi konkurues, secilën herë e për çdo herë. Ndryshe nuk ka kuptim rrugëtimi ynë.

Me respekt,

Lulzim Abazi, President i FC Ferizaj./Lajmi.net/