Një person është arrestuar në pikëkalimin kufitar, pasi dyshohet se kishte kanosur një të mitur duke e kërcënuar me publikimin e fotografive intime në rrjetet sociale.

Sipas raportit 24-orësh të Policisë së Kosovës, i dyshuari ishte ndaluar më 4 korrik, ndërsa rasti lidhet me një ngjarje të ndodhur më 26 qershor në Ferizaj.

Policia bën të ditur se i dyshuari “duke përdorur llogari me emra të rrejshëm e kishte kanosur viktimën e mitur se do t’i publikojë disa foto të saj intime në rrjetet sociale.”

Pas intervistimit, me vendim të prokurorit, i dyshuari është dërguar në mbajtje. /Lajmi.net/