Sir Alex Ferguson ka bërë të ditur se refuzoi interesimin nga Roman Abramovich për tu bërë menaxher i Chelseas.

Ferguson, në deklaratat e bëra për Charlie Rose në PBS, theksoi se ishte kontaktuar nga një ndërmjetësues që përfaqësonte pronarin e Chelseas.

“Ata angazhuan një menaxher për të më kontaktuar kur Abramovich së pari mori klubin”, deklaroi Ferguson. “U thash se nuk ka gjasa”, shtoi skocezi.

Ferguson po ashtu përjashtoi mundësinë e rikthimit në detyrë pas telasheve të pasardhësit të tij, David Moyes.

“Nuk jam i interesuar të punoj sërish ose të mundohem të nxjerri rezultate për Manchester Unitedin. Kam marr një vendim. Koha ishte perfekt. Nuk ka kthim prapa tani, jam një jetë të re”, u shpreh ai.