Në sallën plenare të Kuvendit të Kosovës tashmë ka zënë vend edhe Fatmir Limaj nga Nisma socialdemokrate.

Limaj në këtë seancë pritet të jetë një emër i rëndësishëm, për shkak se pritet që i njëjti të votojë pro formimit të qeverisë Kurti III.

Një krisje në mes Nismas dhe AAK-së ndodhi pikërisht pas deklarimit të Limajt se do mbështesë qeverinë Kurti.

E në ditën e sotme Limaj është ulur tek AAK-ja, aty ku edhe i kanë ulëset përkatëse si opozitë por nuk janë ulur as afër me Ramush Haradinaj. Madje ata duket se as nuk kanë përshëndetur njëri-tjetrin.

Mbetet të shihet se si do të votojë Limaj në këtë ditë të rëndësishme për vendin./Lajmi.net/