Sot janë bërë saktësisht një vit nga sulmi terrorist në Banjskë të Zvecanit.

Nga ky sulm terrorist humbi jetën heroikisht zyrtari policor i Kosovës, Afrim Bunjaku.

Ai humbi jetën gjatë kryerjes së detyrës së tij zyrtare.

Shumë kriminelë serbë ishin mbledhur bashkë të maskuar e të armatosur me synimin e aneksimit të veriut të Kosovës.

Banjska ishte pika e tyre e synuar që të arrinin më pas të aneksonin gjithë veriun. Por kjo ëndërr e tyre iu doli më keq se që kishin menduar.

Zyrtarët policorë të Kosovës u ballafaquan bindshëm me ta, duke i bërë kështu që të ikin andej nga kishin ardhur.

E të vdekur në këtë rast mbetën edhe disa terroristë serbë, që miqtë e tyre si Milan Radojiciq që po udhëhiqte grupin i lanë në rrugë.

Sot familjarët e këtyre të dyshuarve kanë shkuar përsëri në Banjskë.

Ata janë mbledhur bashkë për të përkujtuar terroristët që për synim kishin dëmtimin e Kosovës dhe shkaktimin e sa më shumë dëmeve në veri të vendit.

Duke u munduar të viktimizohen familjarët e këtyre terroristëve thanë se nuk e dinë saktësisht as ku kanë vdekur ata.

E padyshim se këto informata më mirë se kushdo tjetër do të mund t’ua kishte dhënë drejtuesi i grupit, i njohur si krimineli serb, Milan Radojiciq, i cili po vazhdon të fshihet diku në Serbi./Lajmi.net/