Vëllai i ish-presidentit Hashim Thaçi, Ganiu ka thënë se familja pret që Apeli ta përmbysë vendimin e Gjykatës Speciale me 25 vjet burgim për krime lufte.

“E presim Apelin”, ka thënë ai tek ka dalë nga shtëpia.

“Jemi të bindur në pafajësi”, ka shtuar Gani Thaçi.

Gjykata Speciale ka dënuar me nga 25 vjet burgim Hashim Thaçin e Jakup Krasniqin, me 18 vjet burgim Kadri Veselin dhe me 13 Rexhep Selimin.

Ish-udhëheqësit e Ushtrisë Çlirimtare të Kosovës u dënuan për krime lufte, përfshirë ndalim të paligjshëm ose arbitrar, trajtim mizor, torturë dhe vrasje të paligjshme.

Gjykata Speciale ka thënë se të katër udhëheqësit e Ushtrisë Çlirimtare të Kosovës kanë pasur qëllim të përbashkët kriminal, kanë dhënë kontribut të qenësishëm në realizimin e tij dhe synuan krimet përkatëse.