Fadil Geci e ka nisur dëshminë në Gjykatën Speciale të Hagës.

Përderisa është pyetur në lidhje me një intervistë të Sylejman Selimit për emrat e parë që e nisën luftën në UÇK, Geci e ngatërroi intervistën e Sylejman Selimit me Rexhep Selimin.

“Është një intervistë me komandantin Selimi, e keni parë?”, pyeti Prokurori.

“I ka harru Rexha do, që luftëtar para tyre është edhe Gani Geci, e ka lënë anash. Vëllezërit Geci janë një ndër të parët para gjithë këtyre. Edhe te Adem Jashari”, u përgjigj Geci.

Më pas ndërhyu avokati i Rexhep Selimit, i cili tha se intervista është e Sylejman Selimit.