Facebook ka konfirmuar se ndarja në mes të Facebook Messenger dhe aplikacionit kryesor Facebook ka filluar.

Një zyrtar nga Facebook e ka konfirmuar këtë për Mashable, duke thënë se përdoruesit kanë filluar ta vërejnë ndryshimin të mërkurën – por që nuk po ka efekt ende në të gjithë celularët e përdoruesve të Facebook.

Ndryshimi do të ketë efekt vetëm tek përdoruesit aplikacionit për iPhone dhe Android. Përderisa mesazhet do të mbesin në aplikacionet e iPad dhe Windows Phone.

Përndryshe, Facebook i kishte njoftuar përdoruesit e tij që nga prilli që të shkarkojnë aplikacionin Messenger, pasi që më nuk do të mund të shkruajnë mesazhe nga aplikacioni kryesor.