Një përleshje mes disa anëtarëve të xhematit në fshatin Livoç i Epërm të Gjilanit ka shkaktuar shqetësim të madh në komunitet dhe dyshime për përhapje të ideologjive të huaja fetare në këtë zonë.

Sipas burimeve që ka siguruar Lajmi.net nga vendi i ngjarjes, konflikti dyshohet se ka nisur si pasojë e ndikimit të individëve të dyshimtë, të cilët dyshohet se kanë ardhur nga Afganistani dhe vende të tjera, dhe që përmes figurës së Sami Sylës, po promovojnë përçarje në mesin e besimtarëve lokalë.

Në përleshje janë përfshirë disa persona, përfshirë edhe Sami Sylën, i cili nga banorët cilësohet si njeri problematik që po e përdor fenë për interesa të dyshimta dhe që më herët është përfshirë edhe në një rast tjetër dhune.

Viktima e fundit, B.C., ka raportuar se është sulmuar nga vëllezërit Hisen Syla dhe Sami Syla për shkak të një mosmarrëveshjeje të mëhershme që lidhet me përleshjen e ndodhur në muajin qershor.

Më poshtë storien e plotë të përgatitur nga gazetari Selim Miftari: