Komuna e Prishtinës ka njoftuar se sipas parashikimeve të motit, sot priten erëra të forta deri në 32 km/h.

Andaj për sigurinë e qytetarëve, komuna ka bërë thirrje për kujdes.

“Të shmangni qëndrimin pranë objekteve të larta, pemëve dhe strukturave të paqëndrueshme. Të siguroheni që dritaret dhe dyert e shtëpive apo bizneseve tuaja janë mirë të mbyllura. Të bëni kujdes gjatë qarkullimit”, ka thënë komuna përmes një postimi në rrjetin social Facebook.