Emrat më të këqij të fëmijëve në botë
Franca dhe Zelanda e Re janë një ndër vendet që i kanë të ndaluar me ligj disa emra për njerëz.
Lifestyle
Një çift francez nuk janë lejuar që t’ia vendosin djalit të tij të porsalindur emrin ‘Princi William’, pasi një gjykatë tha se përdorimi i këtij emri mbretëror do të mund të çojë në një ngatërresë më vonë.
Gjykatat franceze kanë autoritet për të ndërhyrë në emërtimin e fëmijëve nëse ka nevojë, për ta mbrojtur kështu një fëmijë nga ‘tallja jetësore’ duke anuluar propozimin e prindërve për emër.
Fatkeqësisht për disa fëmijë, disa vende të tjera nuk e ushtrojnë të njëjtën fuqi, transmeton lajmi.net.
Kështu, këta janë emrat më të këqij që janë tentuar t’u vihen fëmijëve nëpër botë (disa edhe ua kanë lënë):
Frut Seksi (Sex Fruit) – një emër ky i refuzuar nga një gjykatë në Zelandë të Re. Emrat e tjerë duke përfshirë ‘Mafia’ dhe ‘Lucifer’ janë gjithashtu të ndaluar në këtë vend.
Ikea – Një britanike e emëroi vajzën e saj me këtë emër më 2006 për shkak të dyqanit suedez.
Nutella – Më herët këtë vit, një gjykatë franceze nuk e lejoi një çift që ta emëronin fëmijën e tyre sipas çokollatës së famshme.
Metallica – Një çift në Suedi u përballën me probleme kur tentuan që ta emëronin fëmijën e tyre sipas këtij bendi muzikor, transmeton lajmi.net.
Brfxxccxxmnpcccclllmmnprxvclmnckssqlbb11116 – I shqiptuar Albin, një çift nga Suedia tentuan që ta regjistrojnë fëmijën e tyre me këtë emër të papranuar.
Facebook – Çdokush që jeton në Meksiko e ka të ndaluar që ta emërojë fëmijën me këtë emër të rrjetit social.
Anus – Danimarka e ka shtuar këtë emër në listën e emrave të ndaluar për qytetarët e saj. (lajmi.net)