Kryetari i Lidhjes Demokratike të Kosovës, Lumir Abdixhiku, ka njoftuar për emërime të reja në disa nga pozitat më të rëndësishme organizative të partisë, në kuadër të procesit të riorganizimit dhe konsolidimit të brendshëm.

Sipas vendimit të bërë publik, Ilir Ferati emërohet në detyrën e Sekretarit të Përgjithshëm të Lidhjes Demokratike të Kosovës, me përgjegjësi për drejtimin dhe koordinimin e aparatit institucional dhe administrativ të partisë, si dhe për sigurimin e zbatimit të rregullt të vendimeve të organeve drejtuese të saj.

E bashkëpartiaku i tij Shkëmb Manaj e ka quajtur këtë nj[ hap të rëndësishëm drejt ristrikturimit të partisë.

Ndërsa ka uruar për pozitat e reja në parti dhe Sokol Halitin dhe Visar Azemin.

“Zgjedhja e Ilir F. Feratit në pozitën e Sekretarit të Përgjithshëm të LDK-së përbën një hap të rëndësishëm drejt ristrukturimit të partisë, në përputhje me orientimet e miratuara në Kuvend. Ky proces është thelbësor për forcimin e organizimit tonë të brendshëm dhe për ruajtjen e vlerave që e kanë karakterizuar gjithmonë Lidhjen Demokratike të Kosovës. Me përkushtim dhe përgjegjësi, vazhdojmë të ndërtojmë një strukturë më funksionale, më të hapur dhe më pranë qytetarëve për të rikthyer besimin e madh, duke krijuar një unitet të brendshëm dhe një front të madh të së djathtës! Urime e na priftë e mbara miku im Ilir Fadil Ferati! Urime për detyrat e reja edhe për kolegët tonë, kryetarin Sokol Haliti dhe Visar Azemin!”,ka thënë Manaj.