Pagat për punëtorët teknikë të shkollave në Prishtinë janë ekzekutuar sot, më 14 tetor, ka konfirmuar Drejtoria e Financave e Komunës së Prishtinës.

Përmes një përgjigjeje zyrtare për lajmi.net, kjo drejtori ka bërë të ditur se pagesat janë realizuar gjatë ditës së sotme, pas interesimit të redaksisë lidhur me grevën e punëtorëve teknikë në shkollat e kryeqytetit.

“Drejtoria e Financave ka konfirmuar që pagesat janë ekzekutuar sot, më 14.10.2026. Me këtë veprim është adresuar çështja e pagesave për të cilën keni kërkuar sqarim”, thuhet në përgjigjen e Komunës së Prishtinës.

Megjithatë, ende nuk ka konfirmim nëse ekzekutimi i pagave do të pasohet me ndërprerjen e grevës dhe kthimin e punëtorëve teknikë në vendet e tyre të punës.

Nga Komuna e Prishtinës kanë bërë të ditur se për vazhdimin apo ndërprerjen e grevës duhet të konfirmojnë vetë përfaqësuesit e punëtorëve. /Lajmi.net/