Mbrojtësi Armend Thaqi është një ndër futbollistët më cilësor që aktivizohet në futbollin e Kosovës.

30-vjeçari në vitet e fundit ka shkëlqyer në fanellën e Ballkanit në garat vendore dhe ato ndërkombëtare.

Paraqitjet e tij nuk kanë kaluar pa u vënë re nga skuadra të ndryshme në Evropë.

Lajmi.net mëson ekskluzivisht se ai pritet që të transferohet në janar te skuadra e Superligës së Turqisë, Sivasspor.

Thaqi ka rënë në “radarët” e klubit turk që në edicionin e kaluar kur në grupet e Ligës së Konferencës e shënoi një gol të jashtëzakonshëm në ndeshjen e zhvilluar në Turqi.

?Highlights in 2022?

? Armend Thaqi @fcballkani vs. Sivasspor.??
#UECL | @kosovanfooty_EN | @FFK_KS pic.twitter.com/VIZZ5I9RMd

— UEFA.com DE (@UEFAcom_de) December 21, 2022

Armendi pëlqehet nga drejtuesit turk dhe tashmë interesimi nga ta nuk mungon, madje nuk ka munguar as në afatin kalimtar të verës.

Sivasspor pas xhiros së 14-të në elitën e futbollit turk ndodhet në pozitën e 13-të me 15 pikë të grumbulluara.

Pjesë e këtij ekipi është edhe futbollisti i mirënjohur shqiptar, Rei Manaj, i cili i ka shënuar tetë gola në të gjitha garat në këtë edicion.

Mbrojtësi i krahitur të djathtë (Thaqi) në karrierën e tij është grumbulluar disa herë është nga Përfaqësuesja e Kosovës, mirëpo është paraqitur vetëm në një ndeshje zyrtare.

Në vitin 2022, Thaqi është zgjedhur si futbollisti më i mirë i viti 2022 në Superligën e Kosovës gjatë ceremonisë së ndarjeve të çmimeve nga Federata e Futbollit e Kosovës (FFK).

Ballkani në Kosovë i ka fituar të gjithë titujt e mundshëm.

Ai në karrierën e tij është aktivizuar edhe me ekipet FC Prishtina, SC Gjilani, KF Hajvalia dhe KEK-u. /Lajmi.net/