Edhe para nisjes së debatit joformal, shumë ministra tashmë kanë shprehur shqetësimin me gjendjen që po mbizotëron në vend, raporton RTK.

Ca zyrtarë evropian cituan komisarin e ngarkuar më çështje zgjerimi, Johanes Hahn i cili ua ka tërhequr vëmendjen vendeve anëtare se edhe Bashkimi Evropian duhet të bartë një pjesë të përgjegjësisë për situatën e krijuar në Maqedoni meqë ky vend është lënë anash për shkak të bllokadës që i bën Greqia, me çfarë nuk kanë mundur të lëvizin gjërat në mes të Brukselit dhe Shkupit zyrtar.

Më qëndrim të ngjashëm doli edhe ministri i jashtëm austriak, Sebastian Kurz. Ai para gazetarëve ka deklaruar se ajo çfarë po ndodh në Maqedoni është edhe një dëshmi se mungesa e perspektivës evropiane aspak nuk po i ndihmon rrethanave në rajonin e Ballkanit Perëndimor.

Gjatë debatit ka marrë pjesë edhe Jens Stoltenberg, sekretari i përgjithshëm i NATO-s. (RTK)