E vërteta që fshihet pas faculetave të lagëta
Qoftë nëse i përdorni për të hequr grimin, për t’i pastruar duart apo sipërfaqet në kuzhinë ose banjo, faculetat e lagëta janë bërë tashmë shumë të përdorshme nga njerëzit.
Lifestyle
Duke premtuar se na ndihmojnë për të pastruar pa pasur nevojë që të përdorim ujë, nuk është çudi që një paketë e tillë e faculetave antibakteriale është bërë pothuajse gjëja e dytë më e përdorshme në botë.
Sidoqoftë, hulumtues në Universitetin e Cardiff-it thonë se ndërsa këto faculeta mund të jenë shumë të dobishme, ato gjithashtu nuk po e bëjnë atë që duhet ta bëjnë, transmeton Lajmi.net.
Pasi i testuan një shumëllojshmëri faculetash të tilla në spitale, ata gjetën se largimi i baktereve nga sipërfaqet nuk ishte i madh, dhe në disa raste këto faculeta madje përhapnin bakteret.
“Ky është një studim i thjeshtë i cili ka nevojë të përsëritet në një shkallë më të gjerë për të siguruar përfundime më të besueshme,” tha mjeku kryesor Dr. Michael Spira.
Faculetat e lagëta kanë pasur edhe pjesën e tyre të errët të historisë, gjithashtu. Që nga qershori, një foshnje 6-muajshe pësoi një djegie kimike nga faculetat e falsifikuar për fëmijë, një grua tjetër kishte raportuar se kishte gjetur një mi të ngordhur në një paketë të tillë në Norwich, dhe në Kaliforni, disa nga këto faculeta u gjetën se kishin copa qelqi në to.
Shumica e këtyre faculetave mund të shkaktojnë probleme serioze të kanalizimit nëse hidhen në WC, duke formuar bllokadë poshtë në sistemin e kanalizimit. (Lajmi.net)