Pipita u kthye në Torino pas dy huazimeve të dështuara në një sezon te Milan dhe Chelsea.

Edhe pse nuk ka vend për të në skuadrën e ‘Bianconerëve’, Sky Sport Italia insiston se Higuain nuk do të mendojë për një kalim te Roma, transmeton lajmi.net.

Ai madje ka punësuar një trajner personal për të punuar me të gjatë verës, duke u siguruar që të jetë në gjendje të mirë për t’i bërë përshtypje Sarri.

Situata po irriton Juventusin pasi ata kanë nevojë ta shesin Higuainin para se të bëjnë një lëvizje për Mauro Icardin e Interit.

Ndërkohë, Sky Sport Italia gjithashtu shkruan se Juve janë ende duke ndjekur sulmuesin e Manchester United, Romelu Lukaku. /Lajmi.net/