Trajneri i Manchester United, Erik ten Hag ka komentuar në lidhje Cristiano Ronaldon.

Tema aktuale në botën e futbollit ka të bëjë me yllin portugez, Cristiano Ronaldos.

37 vjeçari nuk po kalon aspak mirë në ‘Old Trafford’, sidomos ditëve të fundit.

Në ndeshjen e xhiros së fundit ndaj Tottenham Hotspur portugezi nuk ishte në formacionin startues, andaj lojtari nuk ishte i kënaqur me vendimin e trajnerit.

Më pas lojtari u largua nga banka rezervë drejt zhveshtores më herët se që duhej.

E, kjo shkaktoi shumë polemika, duke thënë se Ronaldo nuk ka pranuar të hyjë në lojë si zëvendësues.

Këtë e ka konfirmuar edhe vetë trajneri, Erik ten Hag.

“Po, Cristiano Ronaldo refuzoi të hynte kundër Tottenhamit.

Duhet të ketë pasoja. Është e rëndësishme për qëndrimin dhe mentalitetin e grupit”, tha Ten Hag.

Kujtojmë që pas sjelljes së portugezit, klubi e kanë lënë jashtë për derbin ndaj Chelsea.

Kurse, lidhur me këtë ka reaguar edhe vetë lojtari, duke kërkuar falje për gjithë situatën e krijuar./Lajmi.net/