Një situatë aspak e zakonshme dhe tejet e frikshme ishte mbrëmë gjatë natës në rrugën “Muharrem Fejza” të lagjes “Mati 1” në Prishtinë.

Si fillim disa persona u panë me armë të gjata derisa po lëviznin rrugës kryesore e më pas u larguan nga aty.

Por duke mos përfunduar me kaq, të njëjtit kanë shtënë me armë zjarri.

Si shkak i të shtënave me armë zjarri u dëmtuan edhe disa vetura dhe jo vetëm kaq.

Të shtënat e armëve të zjarrit kanë depërtuar edhe brenda një banese në këtë lagje. Disa prej banorëve kanë publikuar edhe pamje të dritareve që janë goditur nga këto të shtëna- e që shihet të jenë shkaktuar dëme të mëdha.

Për fat të mirë deri më tani nuk është raportuar për ndonjë person të lënduar, derisa nga Policia e Kosovës nuk janë dhënë ende detaje./Lajmi.net/