E çuditshme: Tifozët e Milanit kërkojnë largimin e trajnerit të ri

17:13 | 9 Tetor 2019

Milan kanë konfirmuar angazhimin e Stefano Piolit si trajner të ri të skuadrës.

53 vjeçari ka nënshkruar kontratë dy vjeçare me skuadrën nga Serie A, duke zëvendësuar të shkarkuarin Marco Giampaolo.

Giampaolo ka paguar çmimin për startin e dobët të sezonit me Milanin në Serie A, duke u shkarkuar vetëm pas shtatë ndeshjeve.

Ky ishte largimi më i shpejtë që Milan i bën një trajneri në histori të tyre.

Piolo është një ish trajner i Interit dhe Lazios, dhe ka përvojë të madhe si trajner, me karrierën e filluar që nga viti 1999.

Edhe pse ka qenë objektivi i parë i Milanit, angazhimi i tij nuk ka impresionuar tifozët e kësaj skuadre.

‘Pioli Out’ ishte trendi në Twitter të martën në Itali, shkruan lajmi.net.

Shumë tifozë të Milanit e kanë kontestuar trajnerin e ri të Milan, duke shprehur zhgënjimin e tyre për një emërim tjetër të pasigurt./Lajmi.net/