Një aksident trafiku me lëndime ka ndodhur mëngjesin e sotëm në fshatin Torinë të komunës së Lipjanit.

Lajmin për lajmi.net e ka konfirmuar zëdhënësja e Policisë së Kosovës për rajonin e Prishtinës, Flora Ahmeti, e cila ka bërë të ditur se rreth orës 08:00 Policia ka pranuar informatën për aksidentin.

Sipas saj, në këtë aksident kanë qenë të përfshira dy automjete, ndërsa si pasojë e përplasjes janë lënduar dy persona, të cilët janë dërguar për tretman mjekësor.

“Me rastin po merret njësiti i trafikut rajonal,” ka bërë të ditur Ahmeti./lajmi.net/