Dy raste të dhunës në familje janë raportuar në Gjakovë, ku viktimat femra janë sulmuar fizikisht nga partnerët e tyre.

Rasti i parë është raportuar më 25 tetor, rreth orës 11:30, kur një grua ka deklaruar se ishte kërcënuar dhe më pas sulmuar fizikisht nga personi me të cilin bashkëjetonte. Ajo ka refuzuar tretmanin mjekësor, raporton lajmi.net

I dyshuari është arrestuar më 27 tetor dhe, pas intervistimit, me vendim të prokurorit është liruar në procedurë të rregullt.

Ndërkaq, rasti i dytë është regjistruar më 28 tetor, rreth orës 00:30. Policia ka arrestuar një burrë, i cili dyshohet se ka sulmuar fizikisht bashkëshorten e tij.

Viktima ka pranuar tretman mjekësor, ndërsa i dyshuari, me vendim të prokurorit, është dërguar në mbajtje.

Të dy rastet janë bërë të ditura në raportin policor./Lajmi.net/