Dy protestues që thyen zyrën e Ivanovit në arrest shtëpiak

19:30 | 15 Prill 2016

Në Gjykatën Themelore Shkupi 1, të enjten, para gjykatësit me procedurë paraprake u arrestuan dy persona që u prangosën të mërkurën në protestat që ndodhën në Shkup.

Propozimi i Prokurorisë themelore publike Shkup për përcaktimin e masës së sigurimit të prezencës, për shkak të ekzistimit të dyshimeve se kanë kryer veprën penale për pjesëmarrje në masë, është pranuar nga gjykatësi i cili me procedurë paraprake për t`ia caktuar masën e paraburgimit shtëpiak në afat prej tetë ditëve, transmetojnë mediat shqip në Maqedoni.

Në protestat e të së mërkurës u arrestuan gjithsej 13 persona. Gjykata ndaj personave N.A (30) dhe F.N. (30), të dy nga Shkupi, u ka shqiptuar masën e arrestit shtëpiak prej tetë ditësh.

Kundër 11 persona të tjerë, Policia ka kërkuar inicimin e procedurës penale për shkelje të rendit publik që parashikohet gjoba prej 600 deri 800 euro./Kp