Dy persona kanë pësuar lëndime si pasojë e një aksidenti trafiku në rrugën “Fahri Fazliu” tek Kodra e Trimave në Prishtinë.

Zëdhënësja e Policisë në rajonin e Prishtinës, Flora Ahmeti ka thënë për lajmi.net se në këtë aksident kanë qenë të përfshira tri automjete ndërsa dy të lënduarit janë dërguar për tretman mjekësor.

“Sot rreth orës 17:00 në rrugën Fahri Fazliu në Prishtinë, ka ndodhur një aksident trafiku, ku kanë qenë të përfshira tri automjete. Bazuar në të dhënat fillestare si pasojë e aksidentit lëndime trupore kanë pësuar 2 persona të cilët janë dërguar për tretman mjekësor. Me rastin po merren hetuesit nga njësiti i trafikut”, ka thënë Ahmeti. /Lajmi.net/