Dy persona janë goditur nga një veturë sot në rrugën “Luan Haradinaj” në Deçan, duke pësuar lëndime trupore.

Rastin për lajmi.net e ka konfirmuar zëdhënësi i policisë për rajonin e Pejës, Fadil Gashi, i cili ka bërë të ditur se të lënduarit janë jashtë rrezikut për jetën.

“Janë jashtë rrezikut për jetën. Kanë marrë tretman mjekësor në emergjencën e spitalit rajonal, nuk kanë lëndime serioze. Pas marrjes së trajtimit janë liruar në shtëpi”, deklaroi Gashi për lajmi.net.

Sipas tij, rasti është duke u hetuar nga organet kompetente, ndërsa vendi i ngjarjes po ekzaminohet nga hetuesit rajonalë të aksidenteve. /Lajmi.net/