I akuzuar për vrasjen e Liridona Ademajt, ish-bashkëshorti Naim Murseli, është deklaruar i pafajshëm në seancën e sotme gjyqësore.

Njëjtë në këtë seancë u deklaruan edhe Granit Plava e Kushtrim Kokalla, të cilët nuk e pranuan ktakuzën për vrasjen e rëndë sot në Gjykatën Themelore të Prishtinës, ku po zhvillohet seanca gjyqësore ndaj tyre.

“Në lidhje me aktakuzën dua të shtoj diçka. Nëse vërtetohen pretendimet e prokurores unë vet do të kërkoj burgim të përjetshëm”, tha Murseli.

Teksa Granit Plava nuk u deklarua, u mbrojt në heshtje, kurse i akuzuari tjetër Kushtrim Kokalla, tha se është i pafajshëm.

Ndryshe gjykata Themelore në Prishtinë ka konfirmuar aktakuzën ndaj Naim Murselit, Granit Plavës dhe Kushtrim Kokallës, të cilët ngarkohen për rastin e vrasjes së Liridona Ademajt më 29 nëntor 2023.

Prokuroria Themelore në Prishtinë më 15 janar 2025 ka ngritur aktakuzë ndaj Naim Murselit, Granit Plavës, Kushtrim Kokallës dhe Tom Dodajt. /Lajmi.net/